((السلام عليكم ورحمة الله وبركاته))
هذي القصة قريتها في احد المنتديات و حبيت أنزلها في منتدانا
اسمعوا قصة هالزواج (دحيم و حصيصه)
.............................. ..........
من أولها
اول شي لازم تتعرفون على المعرس ,,,
المواصفات
الاسم / دحيم الدلخ
العمر / ولد في سنة الطفرة
الشكل / قزم ودب واقرع و وجهه كله خدود و ما فيه عيون
.............................. يا ساتر يارب
باختصار يحوم الكبد
الولد دحيم داشر 24 سااعه مشاكل و تفحيط و خرابيط و هجوله
المهم أبوه قرر انه يزوجه يمكن يعقل الولد !!!!
ويقوم يخطب له أبوه بنت عمه حصة !!!
عاد حصة خبله مثله
المهم يوم جاء العرس ولا دحيم طالع مع اخوياه للثمامه يطعسون
وأبوه يدق عليه
الأب: الووو دحيم وينك؟
دحيم : هلا والله طالع مع الشباب للثمامة
!!! الأب: جعل تطلع روحك يلا تعال اليوم عرسك
دحيم : طيب العرس في الليل يمديني ارجع المغرب
الأب: أقول امش جعلي امشي العصا على ظهرك
دحيم : طيب خلاص جاي
ويقفل التلفون
المهم و يجي دحيم ويلبسونه الخبل ناوي يروح بقميص
نوم وطاقية
المهم ويمسكونه إخوانه ويلبسونه ويودونه للقصر
دحيم الا الحين ما يدري وش السالفة يبي يخلص
بسرعه عشان يلحق على العيال في الاستراحة يلعب ورقة,,
ويدخلون القصر ويجلسونه في المنصة وهو يقول أبي
أروح اجلس عند القهوجية أبي أتكي معهم واشرب شاهي
( والله منسم مررره)
و يقلطه أخوه ويجلسه على الكرسي
و يجونة الناس يسلمون
المعازيم : مبرووك منك المال ومنها العيال
دحيم : هلا إيه طيب يكون خير والله ما عندي ولا ريال
( قايلة لكم مهوب وجه زواج )
المهم ويدخلونه على الحريم
يوم دخل
( وهو اللي يفتح كشرته ) ابتسامه عريضة
ويناظر في ذا البنيات
المهم يوم طقوا الطقاقات إلا وهو يطمر ويرقص سامري
ويسحبه أبوه ويقول أركد لا تفشلنا!!!!
المهم ويجلسه على الكرسي
و تجي وحده ترقص وهو اللي يضحك عليها ويقول
اوووووه ما تعرفين ترقصين يا الدبة
إلا و أبوه يصفقه على جبهته
دحيم طيب خلاص أنطم
المهم يوم خلصوا وهو يأخذ العروس ويركبون السيارة
المهم ما درا إلا تقوم حصيصه وتقول ما بغينا نطلع أقول ما
عندك شريط كسراات ( شعبي) ؟????
ملينا من ذا الطقاقات أزعجوني وأحس أغانيهم ما أطربتني
إلا وهو ينبسط على حرمته خبله مثله
المهم وتقول له
حصيصه : دحيم أبسالك سؤال؟
!!! دحيم: اسألي
حصيصه : أنت الحين تعرف تفحط ؟؟؟
دحيم : أكيد أنا أحسن واحد يفحط
( مسوي فنان عندها وهو ما عنده ما عند جدتي )
حصيصه : والله ورني أبي أشوفك تفحط
دحيم شكله توهق
دحيم : خليها بعدين موب اليوم
( يبي يصرف )
حصيصه : أفا شكلك ما تعرف هههههههههههاي
دحيم : أوريك من اللي ما يعرف
وهو اللي يلف هذيك اللفة وطراااااخ في الماسورة على طول
والحين حصيصه ودحيم في المستشفى الدور الأول غرفه 123
قسم الكسور
الزيارة من 9 إلى 12 ظهرا و 5 إلى 9 مساء
لا بالله أعرسوا من جد
ههههههههههههههههههههههههههههه
أش رأيكم بهذا الزواج التحفه
قايلة لكم فوق
للأمانة منقول
أش رايكم فللله..
بس ما اوصيكم باردود
لكم مني اجمل تحيهـ